«Քաղցր տուն» նախագիծը նախատեսված է գյուղական բնակավայրերում միրգ-բանջարեղենի վերամշակմամբ զբաղվող փոքր բիզնեսների համար։ Նախագիծը չափանիշ է դարձրել Գաստրո բակի հայեցակարգը, որը հաջողությամբ իրականացվել է գյուղական տուրիզմի զարգացման համար՝ աջակցելով գինու արտարդրությանը և սննդի մատուցմանը։ «Քաղցր տուն» — ը ենթադրում է նույն սկզբունքները, սակայն այն ընտանիքների համար, որոնք արտադրում են քաղցրավենիք, չրեր, մուրաբաներ, մեղրամթերք և այլն։

Ծրագիրը նպատակ ունի աջակցել փոքրածավալ վերամշակող արտադրություններին՝ ստեղծելով նոր ճանաչելի ապրանքանիշ և խթանելով բիզնեսը՝ սպառողին (B2C) և բիզնեսը` բիզնեսին (B2B) գործարար մոդելները։ Այն նաև կգրավի այն զբոսաշրջիկներին, ովքեր հետաքրքրված են քաղցրեղենի արտարդրությամբ, համտեսելով և անմիջապես ֆերմերից գնելով։ Նախագիծը տնտեսություններին կտրամադրի ֆինանսական, տեխնիկական և տեխնոլոգիական աջակցություն՝ գործունեությունը սկսելու համար։