«Նուռ» ծրագրի նպատակը գյուղատնտեսական ներուժի բացահայտումն է՝ նռան հյութերի, գինիների և օշարակների արտադրությամբ։
Ծրագրի շրջանակում շահառուներին տրամադրվում են գինու պահամաններ, հյութը քամող չանչազատիչ սարք, հիդրավլիկ մամլիչ, ինքնահոս պոմպ, շերտավոր ֆիլտր, խցանող սարք, չափիչ սափոր և այլ սարքավորումներ։ Իրականացվում են արտադրական տարածքի շինարարական աշխատանքներ, ինչպես նաև հյութի և գինու որակի վերահսկում, տրամադրվում է մասնագիտական խորհրդատվություն։
«Նուռ» ծրագիրը խթանում է տեղական ձեռնարկատիրությունը, ստեղծում նոր շուկայի հնարավորություններ և ամրապնդում գյուղատնտեսության կայուն զարգացումը։
