ՄԱԶԾ «Կայուն համայնքներ» ծրագիրը Ճապոնիայի կառավարության ֆինանսական աջակցությամբ՝ «Խթանելով Լեռնային Ղարաբաղից տեղահանված անձանց և հյուրընկալող համայնքների համար դիմակայուն գյուղատնտեսության զարգացումը» ծրագրի շրջանակում իրականացնում է «Բերքառատ հող» նախաձեռնությունը Արարատի մարզի Մասիս համայնքի բնակիչների համար։ Ծրագրով նախատեսվում է Մասիս համայնքի համար իրականացնել 5 մասնագիտական դասընթաց․
- Հողի որակ և բույսերի արդյունավետ սնուցում,
- Վնասատուների և հիվանդությունների դեմ պայքար,
- Բարձրարժեք մշակաբույսերի արտադրություն,
- Լոլիկի, պղպեղի և այլ մորմազգիների մշակում,
- Վարունգի և դդմազգի մշակաբույսերի մշակում։
Հայտարարված բոլոր 5 դասընթացներին Մասիս համայնքից ստացվել է 665 հայտ։ ՄԱԶԾ թիմը Մասիս համայնքի տարբեր բնակավայրերում հանդիպել է բնակիչների հետ, ներկայացրել ընթացիկ և առաջիկա ծրագրերը։ Աննախադեպ մեծ թվով հայտերը կդիտարկվեն ծրագրի փորձագետների կողմից և հաջորդ փուլով կհայտարարվեն բոլոր 5 դասընթացների իրականացման առանձին օրերն ու ժամերը։
Դասընթացներին մասնակցելուց հետո Մասիս համայնքում կհայտարարվի նոր ծրագիր՝ «NEXUS Մասիս, ջերմատուն» ծրագիրը, որին մասնակցելու դեպքում նախորդ 5 դասընթացներին մասնակցած բնակիչները կունենան 5 միավորի առավելություն, եթե մասնակցել են բոլոր 5 դասընթացներին։
