ՄԱԿ-ի Զարգացման ծրագրի «Կայուն համայնքներ» ծրագիրը հայտարարում է նոր «Չիր-Չիր» ծրագիրը, որի նպատակն է Արարատի մարզում իրականացնել «Չրերի արտադրության, պահպանման և վերամշակման» թեմայով երկօրյա վերապատրաստման դասընթաց։ Վերապատրաստման դասընթացը միտված է չրարտադրությամբ զբաղվող տնտեսություններում զարգացնել չրերի արդյունավետ արտադրության, պահպանման և վերամշակման մեթոդները, որոնք կնպաստեն լրացուցիչ եկամտի աղբյուրների ստեղծմանը՝ մասնագիտական կարողությունների զարգացման և գույքի տրամադրման միջոցով։ Ծրագիրն իրականացվում է ՄԱԶԾ-ի կողմից՝ Ճապոնիայի կառավարության ֆինանսական աջակցությամբ՝ «Խթանելով Լեռնային Ղարաբաղից տեղահանված անձանց և հյուրընկալող համայնքների համար դիմակայուն գյուղատնտեսության զարգացումը» ծրագրի շրջանակում։
Ծրագրին կարող են դիմել միայն Արարատի մարզում բնակություն հաստատած Լեռնային Ղարաբաղից փախստականները և Արարատի մարզի մշտական բնակիչները։ Ծրագրի շահառու կարող է դառնալ յուրաքանչյուր ընտանիքից միայն մեկ անձ։
Երկօրյա մասնագիտական դասընթացին մասնակցելուց հետո, բոլոր մասնակիցները կհանձնեն քննություն, որի արդյունքների հիման վրա կստանան չիր չորացնելու տակդիր ցանցեր, մասնագիտական ձեռնարկ և մասնակցության հավաստագիր։
Ծրագրին մասնակցելու համար անհրաժեշտ է լրացնել էջի ներքևի դիմումի ձևը՝ կցելով համապատասխան փաստաթղթերը (Ոչ լիարժեք ներկայացված հայտերը ՉԵՆ դիտարկվի)
ՈՒՇԱԴՐՈՒԹՅՈՒՆ։ Հայտը լրացնելուց հետո անհրաժեշտ է սեղմել «Հաստատել» կոճակը, այլապես հայտը չի գրանցվի։
