ՄԱԿ-ի Զարգացման ծրագրի «Կայուն համայնքներ» ծրագիրն իրականացնում է նոր «NEXUS Մասիս․ Ջերմատուն» ծրագիրը, որի նպատակն է Արարատի մարզի Մասիս համայնքում կլաստերային մոտեցմամբ հիմնել ջերմատնային տնտեսություններ։ Ծրագիրն իրականացվում է ՄԱԶԾ-ի կողմից՝ Ճապոնիայի կառավարության ֆինանսական աջակցությամբ՝ «Խթանելով Լեռնային Ղարաբաղից տեղահանված անձանց և հյուրընկալող համայնքների համար դիմակայուն գյուղատնտեսության զարգացումը» ծրագրի շրջանակում։ Ծրագրին կարող են դիմել միայն Արարատի մարզի Մասիս համայնքում բնակություն հաստատած Լեռնային Ղարաբաղից փախստականները և Մասիս համայնքի մշտական բնակիչները։
Ծրագրի շրջանակում հայտ ներկայացրած մարդիկ կմասնակցեն մասնագիտական դասընթացների, որի ավարտին կհանձնեն քննություն։ Ստացված միավորների և մոնիտորինգային այցերի հիման վրա մրցութային հանձնաժողովը կընտրի ծրագրի շահառուներին, որոնց կտրամադրվեն․
- 300 քմ մակերեսով թունելային ջերմատուն,
- սածիլներ և սերմեր յուրաքանչյուր շահառուին, արտադրության մեկնարկի համար,
- անվճար խորհրդատվություն՝ ջերմատան տեղադրման վերաբերյալ,
- անվճար ուսուցում՝ ջերմատնային գյուղատնտեսության և բանջարեղենի աճեցման վերաբերյալ,
- անվճար բիզնեսի և ձեռներեցության ուսուցում, ներառյալ՝ բիզնես պլանավորում, մարքեթինգ, ֆինանսներ և գաղափարի ներկայացում,
- 6 ամսվա ընթացքում շարունակական խորհրդատվություն և տեղում մասնագիտական աջակցություն:
Ծրագրին մասնակցելու համար անհրաժեշտ է լրացնել էջի ներքևի դիմումի ձևը՝ կցելով համապատասխան փաստաթղթերը (Ոչ լիարժեք ներկայացված հայտերը ՉԵՆ դիտարկվի)
ՈՒՇԱԴՐՈՒԹՅՈՒՆ։ Հայտը լրացնելուց հետո անհրաժեշտ է սեղմել «Հաստատել» կոճակը, այլապես հայտը չի գրանցվի։
