ՄԱԶԾ «Կայուն համայնքներ» ծրագիրը «Բերքառատ հող» նախաձեռնության շրջանակում հայտարարում է նոր մասնագիտական դասընթաց՝ նախատեսված Արարատի մարզի Մասիս համայնքի բնակիչների համար։ Դասընթացը հնարավորություն կտա ձեռք բերել կիրառական գիտելիքներ և գործնական հմտություններ՝ բարձրարժեք մշակաբույսերի ընտրություն և կլոր տարին արտադրության ժամանակակից տեխնոլոգիաների մասին։ Ծրագիրն իրականացվում է ՄԱԶԾ-ի կողմից՝ Ճապոնիայի կառավարության ֆինանսական աջակցությամբ՝ «Խթանելով Լեռնային Ղարաբաղից տեղահանված անձանց և հյուրընկալող համայնքների համար դիմակայուն գյուղատնտեսության զարգացումը» ծրագրի շրջանակում։
Դասընթացի թեման է՝ «Բարձրարժեք մշակաբույսերի ընտրություն և կլոր տարին արտադրության ժամանակակից տեխնոլոգիաներ», որի նպատակն է ներկայացնել բարձրարժեք մշակաբույսերի ընտրության, սեզոնային պլանավորման և ամբողջ տարվա արտադրության արդյունավետ մոտեցումները։։ Դասընթացը կտևի 4 ժամ։
Դասընթացի ընթացքում կքննարկվեն հետևյալ թեմաները․
- Բարձրարժեք մշակաբույսերի ընտրություն՝ ըստ շուկայի պահանջարկի և արտադրական հնարավորությունների
- Նոր և պահանջված սորտերի ու հիբրիդների ընտրություն
- Բարձրարժեք բանջարեղենային մշակաբույսերի արտադրություն (բրոկոլի, ծաղկակաղամբ, ռուկոլա, հազարի տեսակներ և այլն)
- Կանաչեղենի և հատուկ նշանակության մշակաբույսերի արտադրություն (սպանախ, մանգոլդ, կեյլ, պակ-չոյ և այլն)
- Ձմեռային և վաղ գարնանային արտադրության կազմակերպում ջերմատներում
- Բարձրարժեք մշակաբույսերի աճեցման առանձնահատկությունները (ջերմաստիճան, սնուցում, ոռոգում)
- Մշակաբույսերի հերթափոխ և ամբողջ տարվա արտադրության պլանավորում
- Շուկայի պահանջարկ, իրացման հնարավորություններ և արտադրության տնտեսական արդյունավետություն
Ծրագրի մասնակիցներին կտրամադրվի նաև աջակցություն, որը ներառում է բարձրարժեք մշակաբույսերի սերմերի փաթեթ։
Դուք ազատ եք մասնակցելու «Բերքառատ հող» ծրագրի շրջանակում հայտարարված բոլոր դասընթացներին, սակայն յուրաքանչյուրի համար պետք է առանձին հայտ ներկայացնել և գրանցվել։
Դասընթացի անցկացման օրվա, ժամի և վայրի մասին կտեղեկացվի լրացուցիչ։ Հետևեք Ֆեյսբուքյան էջին։
Ծրագրին մասնակցելու համար անհրաժեշտ է լրացնել էջի ներքևի հայտը (Ոչ լիարժեք ներկայացված հայտերը ՉԵՆ դիտարկվի)
ՈՒՇԱԴՐՈՒԹՅՈՒՆ։ Հայտը լրացնելուց հետո անհրաժեշտ է սեղմել «Հաստատել» կոճակը:
