ՄԱԶԾ «Կայուն համայնքներ» ծրագիրը «Բերքառատ հող» նախաձեռնության շրջանակում հայտարարում է նոր մասնագիտական դասընթաց՝ նախատեսված Արարատի մարզի Մասիս համայնքի բնակիչների համար։ Դասընթացը հնարավորություն կտա ձեռք բերել կիրառական գիտելիքներ և գործնական հմտություններ՝ բույսերի վնասատուների և հիվանդությունների դեմ պայքարի արդյունավետ կառավարման համար։ Ծրագիրն իրականացվում է ՄԱԶԾ-ի կողմից՝ Ճապոնիայի կառավարության ֆինանսական աջակցությամբ՝ «Խթանելով Լեռնային Ղարաբաղից տեղահանված անձանց և հյուրընկալող համայնքների համար դիմակայուն գյուղատնտեսության զարգացումը» ծրագրի շրջանակում։
Դասընթացի թեման է՝ «Բույսերի վնասատուների և հիվանդությունների ինտեգրված կառավարում», որի նպատակն է ներկայացնել վնասատուների և հիվանդությունների դեմ պայքարի ժամանակակից և անվտանգ մեթոդներ։ Դասընթացը կտևի 4 ժամ։
Դասընթացի ընթացքում կքննարկվեն հետևյալ թեմաները․
- Արարատի մարզում առավել տարածված վնասատուներն ու հիվանդությունները
- Վաղ ախտորոշման և մոնիթորինգի մեթոդներ
- Ինտեգրված պայքարի (IPM) սկզբունքները
- Կենսաբանական պայքարի միջոցներ
- Բույսերի պաշտպանության միջոցների ճիշտ և անվտանգ կիրառումը
- Ռեզիստենտության կանխարգելում
- Կանխարգելիչ ագրոտեխնիկական միջոցառումներ
Ծրագրի մասնակիցներին կտրամադրվի նաև աջակցություն, որը ներառում է Դեղին կպչուն թակարդներ և Կենսապատրաստուկների փորձնական փաթեթ։
Դուք ազատ եք մասնակցելու «Բերքառատ հող» ծրագրի շրջանակում հայտարարված բոլոր դասընթացներին, սակայն յուրաքանչյուրի համար պետք է առանձին հայտ ներկայացնել և գրանցվել։
Դասընթացի անցկացման օրվա, ժամի և վայրի մասին կտեղեկացվի լրացուցիչ։ Հետևեք Ֆեյսբուքյան էջին։
Ծրագրին մասնակցելու համար անհրաժեշտ է լրացնել էջի ներքևի հայտը (Ոչ լիարժեք ներկայացված հայտերը ՉԵՆ դիտարկվի)
ՈՒՇԱԴՐՈՒԹՅՈՒՆ։ Հայտը լրացնելուց հետո անհրաժեշտ է սեղմել «Հաստատել» կոճակը:
