ՄԱԶԾ «Կայուն համայնքներ» ծրագիրը «Բերքառատ հող» նախաձեռնության շրջանակում հայտարարում է նոր մասնագիտական դասընթաց՝ նախատեսված Արարատի մարզի Մասիս համայնքի բնակիչների համար։ Դասընթացը հնարավորություն կտա ձեռք բերել կիրառական գիտելիքներ և գործնական հմտություններ՝ հողի, ջրի և բույսերի արդյունավետ կառավարման համար։ Ծրագիրն իրականացվում է ՄԱԶԾ-ի կողմից՝ Ճապոնիայի կառավարության ֆինանսական աջակցությամբ՝ «Խթանելով Լեռնային Ղարաբաղից տեղահանված անձանց և հյուրընկալող համայնքների համար դիմակայուն գյուղատնտեսության զարգացումը» ծրագրի շրջանակում։
Դասընթացի թեման է՝ «Հողի և ոռոգման ջրի որակի գնահատում, հողի բերրիության բարելավում և բույսերի արդյունավետ սնուցում», որի նպատակն է օգնել բնակիչներին բարելավել հողի և ոռոգման ջրի որակը, բարձրացնել հողի բերրիությունը և ապահովել բույսերի արդյունավետ սնուցում։ Դասընթացը կտևի 4 ժամ։
Դասընթացի ընթացքում կքննարկվեն հետևյալ թեմաները․
- Արարատյան դաշտի հողերի հիմնական խնդիրներն ու դրանց լուծման ուղիները
- Հողի և ոռոգման ջրի անալիզների նշանակությունն ու արդյունքների մեկնաբանությունը
- Օրգանական և հանքային պարարտանյութերի արդյունավետ կիրառումը
- Ֆերտիգացիայի՝ կաթիլային ոռոգմամբ պարարտացման, սկզբունքները
- Կոմպոստի պատրաստումն ու կիրառումը հողի բերրիության բարձրացման նպատակով
- Կենսապատրաստուկների և միկրոտարրերի օգտագործումը
- Ջրի խնայող և արդյունավետ ոռոգման տեխնոլոգիաները
Ծրագրի մասնակիցներին կտրամադրվի նաև աջակցություն, որը ներառում է հողի անալիզի համաֆինանսավորում և հողի նմուշառման ուղեցույց։
Դուք ազատ եք մասնակցելու «Կանաչ տնտեսություն» ծրագրի շրջանակում հայտարարված բոլոր դասընթացներին։
Դասընթացի անցկացման օրվա, ժմի և վայրի մասին կտեղեկացվի լրացուցիչ։ Հետևեք Ֆեյսբուքյան էջին։
Ծրագրին մասնակցելու համար անհրաժեշտ է լրացնել էջի ներքևի հայտը (Ոչ լիարժեք ներկայացված հայտերը ՉԵՆ դիտարկվի)
ՈՒՇԱԴՐՈՒԹՅՈՒՆ։ Հայտը լրացնելուց հետո անհրաժեշտ է սեղմել «Հաստատել» կոճակը:
