ՄԱԶԾ «Կայուն համայնքներ» ծրագրի «HONEY-MONEY» նախաձեռնությունը հաջողությամբ ավարտեց վերապատրաստման եռօրյա դասընթացների հերթական փուլը Լեռնային Ղարաբաղից փախստականների համար, որոնք բնակվում են Կոտայքի, Արարատի և Արմավիրի մարզերում։ Ծրագիրն իրականացվել է Ֆրանսիայի կառավարության ֆինանսական աջակցությամբ «Ապակենտրոնացված համագործակցության» շրջանակում։
Ծրագրին մասնակցելու համար աննախադեպ շատ հայտերի արդյունքում և ուսուցողական գործընթացն առավել արդյունավետ կազմակերպելու նպատակով իրականացվեց երկու առանձին եռօրյա դասընթաց։
Ընդհանուր առմամբ բոլոր երեք մարզերից դասընթացին մասնակցել է 200 մարդ, որից 55-ը՝ կանայք։
Կոտայքի մարզից դասընթացին մասնակցել է 83 մարդ, Արարատից՝ 66, Արմավիրից՝ 51։
Եռօրյա ինտենսիվ դասընթացների ընթացքում մասնակիցները յուրացրին «Մեղվաբուծության հիմունքներ» առարկան՝ ստանալով անհրաժեշտ գիտելիքներ ժամանակակից մեղվաբուծական տնտեսություն վարելու վերաբերյալ։
Դասընթացի ավարտին մասնակիցները ստացան հավաստագրեր և հանձնեցին քննություն, որի արդյունքների և կարիքների գնահատման հիման վրա կընտրվեն շահառուները, որոնք կստանան ППУ դադան տեսակի ժամանակակից փեթակներ, Մեղվաբուծական պարագաներ և գործիքներ և մեղվաբուծական սեզոնին ընդառաջ մեղվափեթակներ։
