Արձագանքելով ՀՀ Էկոնոմիկայի Նախարարության դիմումին ՄԱԶԾ «Կայուն համայնքներ» ծրագիրը 2024 թվականի նոյեմբերին իրականացրեց «HONEY-MONEY» և «Չիր-Չիր» ծրագրերը Սյունիքի մարզի Կապան համայնքի սահմանամերձ Շիկահող, Սրաշեն և Ճակատեն բնակավայրերի բնակիչների համար։ «HONEY-MONEY» ծրագրի «Մեղվաբույծների մասնագիտական զարգացում» երկօրյա դասընթացը հաջողությամբ ավարտած 19 շահառուները ստացել են 2-ական ППУ նյութից պատրաստված փեթակ և տեղեկատվական ուղեցույցներ՝ փեթակներն օգտագործելու վերաբերյալ։ Այնուհետև ՄԱԶԾ «Կայուն համայնքներ» ծրագիրը իրականացրեց «Չրագործության հիմունքներ» թեմայով մեկօրյա դասընթաց, որին մասնակցեցին Շիկահող բնակավայրից 20 բնակիչ։
«Հաշվի առնելով, որ Կապան համայնքի բնակավայրերի հարակից անտառներում շատ են վայրի հատապտուղներն ու մրգերը, ուստի այն կարող է հումք հանդիսանալ արևային եղանակով չորացմամբ չրերի պատրաստմանը։ Սա կնպաստի նաև եկամտի աղբյուրի ստեղծմանը»,-նշեց ՄԱԶԾ փորձագետ Լուսինե Բալայանը։
«Չրագործության հիմունքներ» դասընթացի շրջանակում 14 շահառուի տրամադրվել է 5-ական չրի չորացման տակդիր ցանց։
