ՄԱԶԾ «Կայուն համայնքներ» ծրագրի «Չիր-Չիր» ծրագրի շրջանակում 2024 թվականի նոյեմբերին իրականացվեց «Չրերի պահպանում և վերամշակում» թեմայով վերապատրաստման դասընթաց, որին մասնակցեցին Սյունիքի մարզի Մեղրի համայնքում չրարտադրությամբ և չրերի վերամշակմամբ զբաղվող բնակիչները։ Վերապատրաստման դասընթացը նախատեսված էր զարգացնել չրերի պահպանման և վերամշակման մեթոդները։ Դասընթացի ընթացքում մասնակիցները ծանոթացել են չրի հիմքով նոր պրոդուկտների արտադրությանը և ՄԱԶԾ «Կայուն համայնքներ» ծրագրերի գործունեությանը։ Դասընթացի ավարտին մասնակիցները հանձնել են քննություն ու ստացել մասնակցության հավաստագրեր և ՄԱԶԾ «Կայուն համայնքներ» ծրագրի կողմից լրամշակված «Չոր պտուղ-բանջարեղենի արտադրության գործնական ձեռնարկ»։
«Մեղրի համայնքում չրարտադրությունը շատ տարածված է և մոնիտորինգային այցերի շրջանակում որոշվեց, որ Մեղրիում նույնպես կիրականացնենք «Չիր-Չիր» ծրագիրը և շահառուների հետ կդիտարկենք չրի հիմքով նոր պրոդուկտներ ստանալու հնարավորությունները»,-նշեց ՄԱԶԾ «Կայուն համայնքներ» ծրագրի փորձագետ Լուսինե Բալայանը։
Քննության արդյունքում բարձր միավորներ ստացած 22 շահառուները ՄԱԶԾ-ի կողմից ստացել են աղացներ՝ նախատեսված չրերի վերամշակման և նոր ապրանքատեսակների արտադրության համար։
