ՄԱԶԾ «Կայուն համայնքներ» ծրագիրը Խոյ խոշորացված համայնքի Ծիածան, Արշալույս, Դաշտ, Հովտամեջ, Հայթաղ, Այգեշատ, Արագած, Մրգաստան, Գեղակերտ, Շահումյան բնակավայրերին 10 արևային ջրատաքացուցիչ է տրամադրել։ Այս նոր 360 լիտր տարողությամբ արևային ջրատաքացուցիչներն այժմ կբարելավեն դպրոցների և մանկապարտեզների գործող ջրի համակարգը՝ ապահովելով տաք ջրի 24-ժամյա հասանելիություն:

Մշտական ​​տաք ջրի հասանելիությունը չափազանց կարևոր է հիգիենայի բարձր չափանիշների պահպանման և ուսման պրոցեսներում դրանց ազդեցության համար:

«Տարվա ընթացքում մի քանի արդյունավետ համագործակցություն ենք ունեցել ՄԱԶԾ «Կայուն համայնքներ» ծրագրի հետ, իրականացրել ենք համայնքային ենթակառուցվածքների բարելավման նախագծեր ուղղված կայուն էներգիային։ Այս նախագծով մասնավորապես  լուծել ենք տաք ջրի հասանելիության հարցը 10 դպրոցներում  և մանկապարտեզներում»,-նշում է Խոյ համայնքի ղեկավար Արգիշտի Մեխակյանը։

«Սոլար 24 — 100 ջրատաքացուցիչներ» նախագիծն ուղղված է հասարակական շենքերի (ներառյալ՝ վարչական շենքեր, դպրոցներ, մանկապարտեզներ, համայնքային կենտրոններ, մշակույթի տներ, գրադարաններ և այլ վարչական միավորներ՝ մարզային կամ համայնքիային իշխանությունների կառավարման ներքո) կենցաղային և աշխատանքային պայմանների բարելավմանը՝ ապահովելով մշտական տաք ջրի հասանելիություն արևային ջրատաքացուցիչների միջոցով:

Ծրագիրն իրականացվում է «ՄԱԶԾ SOLAR 24 — 100 Ջրատաքացուցիչներ» նախագծի շրջանակներում։