ՄԱԶԾ «Կայուն համայնքներ» ծրագրի Honey-Money ծրագրի շրջանակում Արագածոտնի, Արարատի և Սյունիքի մարզում բնակություն հաստատած Լեռնային Ղարաբաղի փախստականների համար իրականացվել է «Մեղվաբույծների մասնագիտական զարգացում» վերապատրաստման երկօրյա դասընթաց, որին մասնակցել է ընդհանուր թվով 136 մեղվապահ։
Դասընթացի ժամանակ փորձագետը ներկայացրել է մայրաբուծության առանձնահատկությունները, ցեղատեսակները, մեղուների հիվանդությունները, պայքարի մեթոդները, մեղրի պահպանումը և վաճառքի հմտությունները։
Դասընթացի ավարտին բոլոր 136 մասնակիցները հանձնել են քննություն և ստացել հավաստագրեր: Քննությունը հաջողությամբ հանձնած 84 մասնակիցները ստացել են ППУ նյութից պատրաստված փեթակներ։ Ընդհանուր թվով տրամադրվել է ՝ 168 փեթակ։
Մասնակցության վիճակագրություն․
- Արագածոտնի մարզ՝ 34 մասնակից, որից ընտրվել են 22 մեղվաբույծներ։
- Արարատի մարզ՝ 19 մասնակից, որից ընտրվել են 15 մեղվաբույծներ։
Սյունիքի մարզում իրականացվել է երկու դասընթաց՝
- Առաջինը Կապանում՝ 26 մասնակից, որից ընտրվել են 13 մեղվաբույծներ։
- Երկրորդը Սիսիանում՝ 57 մասնակից, որից ընտրվել են 34 մեղվաբույծներ։
Դասընթացներին ակտիվ մասնակցություն են ունեցել 41 կին մեղվաբույծներ։
