ՄԱԶԾ «Կայուն համայնքներ» ծրագրի «HONEY-MONEY» նախագիծը Արարատի մարզում բնակություն հաստատած Լեռնային Ղարաբաղի փախստականների համար, որոնք զբաղվել են մեղվաբուծությամբ, իրականացնում է «Մեղվաբույծների մասնագիտական զարգացում» վերապատրաստման երկօրյա դասընթաց։
Դասընթացի ավարտից հետո բոլոր մասնակիցները ստանալու են հավաստագրեր և հանձնելու են քննություն, որի արդյունքների հիման վրա ՄԱԶԾ-ի կողմից տրամադրվելու են ППУ նյութից պատրաստված երկուական փեթակ։
Նախագծին կարող են դիմել․
- 18-65 (յուրաքանչյուր ընտանիքից միայն մեկ անձ) տարեկան այն անձինք ովքեր հանդիսանում են 2020թ․ և 2023թ․ Լեռնային Ղարաբաղի փախստականներ և բնակվում են Արարատի մարզում,
- նախկինում և/կամ ներկայումս զբաղվել/զբաղվում են մեղվաբուծությամբ,
- ունեն համապատախան տարածք՝ մեղվաբուծական տնտեսություն վարելու համար,
- պարտավորվում են փեթակների տրամադրման պահից պայմանագրով սահմանված ժամկետում տեղադրել մեղվաընտանիք՝ յուրաքանչյուր փեթակում 5 շրջանակ մեղվով պատված վիճակում,
- պատրաստակամ են իրականացնել ՄԱԶԾ կողմից ներկայացված պարտադիր պայմանները՝ մեղվանոցային տնտեսությունը վարելու համար։
Նախագծին չեն կարող դիմել այն անձինք ովքեր․
- չեն հանդիսանում Լեռնային Ղարաբաղի փախստական,
- կամ այն փախստականները, որոնք նախորդ փուլով մասնակցել են «Honey-Money» նախագծին և հանդիսանում են Ծրագրի շահառու։
Պարտադիր ներկայացվող փաստաթղթերի ցանկ
- Հայտ, որը կարող եք ներբեռնել առցանց հետևելով հղմանը` https://bit.ly/honey-money-24
ինչպես նաև մոտենալ տեղի համայնքապետարան, վարչական ղեկավարի նստավայր և վերցնել տպագրված հայտը։ - Անձնագրի կամ նույնականացման քարտի անձնագրային և գրանցման տվյալների էջերի պատճեններ
- Բնակության վայրը և փախստականի կարգավիճակը հաստատող տեղեկանք, որը կարող եք վերցնել Համայնքապետարանից կամ ձեր բնակության վարչական ղեկավարից։
Մասնակցության համար հարկավոր է մինչև ս․թ․ հունիսի 28-ը․
Նախապես գրանցվել Արարատի մարզի տեղի համայնքապետարաններում զանգահարելով հետևյալ հեռախոսահամարներին․
- Արարատի համայնք՝ +374 93 113391
- Վեդի համայնք՝ +374 98 260919
- Մասիս համայքն՝ +374 94 532570
- Արտաշատ համայնք՝ +374 93 250440
Տպել և ձեռագիր լրացնել հայտը, կցելով՝ պարտադիր պահանջվող փաստաթղթերը։
Պահանջվող փաստաթղթերի փաթեթը հարկավոր է դասընթացի առաջին օրը նախապես հանձնել դասընթացավարին։ Ոչ լիարժեք հայտերը չեն դիտարկվելու:
Տեղեկացնենք նաև, որ այն մեղվապահները, որոնք 2 օրվա դասընթացին լիարժեք չեն մասնակցի չեն դիտարկվի Ծրագրի կողմից։
Անցկացման վայր
Դասընթացն անցկացվելու է Արարատի մարզպետի աշխատակազմի նիստերի դահլիճում (հասցե՝ ՀՀ Արարատի մարզ, ք․ Արտաշատ, Օգոստոսի 23/60, ) ս․թ․ հուլիսի 2-ին և 3-ին, ժամը 10։00-ից մինչև 16։00։
Վերջնաժամկետ՝ հունիսի 28
Հարցերի դեպքում աշխատանքային օրերին կարող եք զանգահարել +374 96 439323 հեռախոսահամարով, ժամը 10-ից մինչև ժամը 17։00-ն ընկած ժամանակահատվածում։
