ՄԱԿ-ի Զարգացման ծրագիրը՝ «Աջակցություն Լեռնային Ղարաբաղից փախստականներին և ընդունող համայնքներին» ծրագրի շրջանակում, հրավիրում է մասնակցելու հրուշակագործության և կարուձևի երկամսյա անվճար դասընթացների Ֆրանս-հայկական մասնագիտական ուսումնական կենտրոնում (ՍԵՊՖԱ)։ Դասընթացների նպատակն է աջակցել ծրագրի մասնակիցներին զարգացնելու հրուշակագործության և կարուձևի մասնագիտական հմտությունները և կարողությունները՝ հետագայում աշխատանք գտնելու կամ սեփական բիզնես հիմնելու նպատակով։
ՄԱԶԾ «Աջակցություն Լեռնային Ղարաբաղից փախստականներին և ընդունող համայնքներին» ծրագիրը ֆինանսավորվում է Ֆրանսիայի կառավարության կողմից։
Հրուշակագործության դասընթացին մասնակիցները կսովորեն՝
- Հրուշակագործության հիմունքներ
- Հիգիենայի և անվտանգության կանոնների պահպանում
- Օգտագործել մասնագիտական գործիքներ և սարքավորումներ, ձևավորել մատուցվող հրուշակեղենի արտադրանքը
- Ինչպես կազմել բիզնես-պլան՝ որոշելով թիրախային հաճախորդներին և անհրաժեշտ ռեսուրսները, և կազմել գրագետ CV
Կարուձևի դասընթացին մասնակիցները կսովորեն՝
- Կարուձևի հիմունքներ
- Չափսեր վերցնելու հմտություններ և անվտանգության կանոնների պահպանում
- Օգտագործել մասնագիտական գործիքներ և սարքեր․ ինչպես նախագծել, ստանալ ձևաթղթեր և ձևել գործվածքը, ինչպես նաև հագուստի (կիսաշրջազգեստ, տաբատ, շապիկ, զգեստ) վերջնամշակումը
- Ինչպես կազմել բիզնես-պլան՝ որոշելով թիրախային հաճախորդներին և անհրաժեշտ ռեսուրսները, և կազմել գրագետ CV
Դասընթացներին կարող են մասնակցել Արմավիրի, Արարատի, Կոտայքի մարզերում և Երևանում հաստատված Լեռնային Ղարաբաղի փախստականները։
- Դասընթացի առավելագույն մասնակիցների քանակը՝ 44
- Հայտ կարող են ներկայացնել 18 տարին լրացած անձինք
- Լավագույն արդյունքներ ցուցաբերած 24 մասնակիցները կստանան մասնագիտական գործիքներ՝ փոքր բիզնես հիմնելու նպատակով
- Դասընթացը հաջողությամբ ավարտած մասնակիցները կստանան վկայականներ։
Դասընթացները կմեկնարկեն հուլիսի 28-ին ՝ Ֆրանս-հայկական մասնագիտական ուսումնական կենտրոնոմ (ՍԵՊՖԱ)` ք. Երևան, Տիգրան Մեծ 38։
* Ծրագիրը հոգում է միայն դասընթացի մասնակցության ծախսերը։
Լրացուցիչ տեղեկությունների համար կարող եք կապ հաստատել՝ +374 10578534 հեռախոսահամարով, կամ ուղարկել նամակ՝ [email protected] / [email protected]
Հայտերը դիտարկելուց հետո ծրագրի թիմը կապ կհաստատի միայն ընտրված մասնակիցների հետ։
Ծրագրին մասնակցելու համար անհրաժեշտ է լրացնել էջի ներքևի դիմումի ձևը՝ կցելով համապատասխան փաստաթղթերը։
