ՄԱԶԾ «Կայուն համայնքներ» ծրագիրը հայտարարում է դասընթաց «Աջակցություն այգեգործությանը» թեմայով։ Դասընթացը կիրականացվի երկու փուլով, յուրաքանչյուր փուլը 2 օրով (Դասընթացի առավելագույն տևողությունը 4 ժամ)։  Դասընթացին կարող են մասնակցել Սյունիքի մարզի բոլոր համայնքների բնակիչները։ Դասընթացին կարող են դիմել 18-65 տարեկան այն անձինք, որոնք ունեն տնամերձ այգի, զբաղվում են կամ պատրաստվում են զբաղվել այգեգործությամբ։

Դասընթացը ներառում է հետևյալ թեմաները՝

Փուլ 1

• այգիների պլանավորում և տնկում,
• մշակման առանձնահատկություններ,
• էտի կազմակերպում,
• ոռոգում։

Փուլ 2

• հիվանդությունների և վնասատուների դեմ պայքար,
• սեզոնային և եղանակային անբարենպաստ պայմանների դեպքում միջոցառումների իրականացում,
• բերքահավաք։

Դասընթացի երկու փուլերն ամբողջությամբ ավարտած և քննությանը բարձր միավորներ ստացած մասնակիցները կստանան գյուղատնտեսական գործիքներ։

Դասընթացները կկազմակերպվեն  Գորիսում և Կապանում։

Գորիսում դասընթացի առաջին փուլը կիրականացվի մայիսի 21-22-ին, Գորիսի համայնքապետարանի շենքում։ Դասընթացի ժամի մասին կտեղեկացվի լրացուցիչ։

Կապանում դասընթացի առաջին փուլը կիրականացվի մայիսի 30-31-ին, Կապանի Մշակույթի կենտրոնի փոքր դահլիճում։ Դասընթացի ժամի մասին կտեղեկացվի լրացուցիչ։

Դասընթացին մասնակցելու համար հարկավոր է մինչև ս․թ․ մայիսի 13-ը առցանց լրացնել էջի ներքևի հայտը։