ՄԱԶԾ «Կայուն համայնքներ» ծրագիրը հայտարարում է երկօրյա դասընթաց «Այգեգործության ուսուցման» թեմայով։ Դասընթացին կարող են մասնակցել Արենի, Եղեգիս, Եղեգնաձոր, Ջերմուկ և Վայք համայնքների բնակիչները։ Դասընթացին կարող են դիմել 18-65 տարեկան այն անձինք, որոնք ունեն այգի կամ պատրաստվում են զբաղվել այգեգործությամբ։

Դասընթացը ներառում է հետևյալ թեմաները՝

• այգիների պլանավորում և տնկում,
• մշակման առանձնահատկություններ,
• էտի կազմակերպում,
• ոռոգում,
• հիվանդությունների և վնասատուների դեմ պայքար,
• եղանակային անբարենպաստ պայմանների դեպքում միջոցառումների իրականացում,
• բերքահավաք։

Դասընթացներն անցկացվելու են Եղեգնաձոր և Եղեգիս բնակավայրերում, անցկացման օրվա և վայրի մասին կտեղեկացվի լրացուցիչ։

Դասընթացին մասնակցելու համար հարկավոր է մինչև ս․թ․ նոյեմբերի 28-ը առցանց լրացնել էջի ներքևի հայտը։