ՄԱԶԾ «Կայուն համայնքներ» ծրագրի «Չիր-Չիր» ծրագրի շրջանակում մեկնարկում է նոր վերապատրաստման դասընթաց «Չրերի պահպանում և վերամշակում» թեմայով, որը նախատեսված է Վայոց Ձորի, Արարատի և Արագածոտնի մարզերի չրարտադրությամբ զբաղվող անձանց համար։ Վերապատրաստման դասընթացը միտված է չրարտադրությամբ զբաղվող տնտեսություններում զարգացնել չրերի պահպանման և վերամշակման մեթոդները, որոնք կնպաստեն լրացուցիչ եկամտի աղբյուրենրի ստեղծմանը՝ մասնագիտական կարողությունների զարգացման և գույքի տրամադրման միջոցով։

Մեկօրյա դասընթացի ավարտից հետո բոլոր մասնակիցները կստանան մասնակացության հավաստագրեր և կհանձնեն քննություն, որի արդյունքների հիման վրա ՄԱԶԾ-ի կողմից ամենաբարձր միավորներ ստացած անձանց կտրամադրվեն աղացներ՝ նախատեսված չրերի վերամշակման և նոր ապրանքատեսակների արտադրության համար։ Շահառուները, Ծրագրի իրականացման համար, պետք է ներդնեն սեփական արտադրության հումք։

Ծրագրին կարող են դիմել 18-65 տարեկան այն անձինք, որոնք․

• ունեն ՀՀ քաղաքացիություն,
• ունեն նվազագույնը երեք տարվա մշտական բնակություն նշված բնակավայրերում (յուրաքանչյուր ընտանիքից միայն մեկ անձ),
• ունեն նվազագույնը երեք տարվա չրագործության ոլորտում աշխատանքնային փորձ և արտադրում են նվազագույնը 200 կգ չիր,
• պատրաստակամ են իրականացնել ՄԱԶԾ-ի կողմից ներկայացված պարտադիր պայմանները և պահանջները։

Ծրագրին կարող են դիմել նաև այն անձինք, որոնք հանդիսանում են 2020թ․ և 2023թ․ Լեռնային Ղարաբաղի փախստականներ, ներկայումս բնակվում են նշված մարզերում, զբաղվել և/կամ ցանկանում են զբաղվել չրերի վերամշակմամբ։

Նախագծին չեն կարող դիմել այն անձինք, որոնք նախկինում մասնակցել են «Չիր-Չիր» ծրագրին, ստացել են տակդիր ցանցեր, սակայն սահմանված կարգով չեն իրականացրել կամ մասամբ են իրականացրել Ծրագրի պահանջները։ Տեղեկացնում ենք, որ ընտանիքի անդամները չեն կարող փոխարինել հայտը ներկայացրած անձին։

Պարտադիր ներկայացվող փաստաթղթերի ցանկ

1. Հայտ, պետք է լրացնել առցանց այս հայտարարության վերջում
2. Անձնագրի կամ նույնականացման քարտի անձնագրային և գրանցման տվյալների էջերի պատճեններ
3. Բնակության վայրը հաստատող տեղեկանք, որը կարող եք վերցնել Համայնքապետարանից կամ ձեր բնակության վայրի վարչական ղեկավարից։
4. Լեռնային Ղարաբաղի փախստականները վերոնշյալ փաստաթղթերից բացի պետք է ներկայացնեն նաև փախստականի կարգավիճակը հաստատող տեղեկանք, որը բնակության տեղեկանքի հետ միասին կարող են վերցնել Համայնքապետարանից կամ իրենց բնակության վայրի վարչական ղեկավարից։

Դասընթացին մասնակցելու համար հարկավոր է մինչև ս․թ․ հոկտեմբերի 3-ը առցանց լրացնել էջի ներքևի հայտը և հայտին կցել վերևում թվարկված փաստաթղթերը։

Անցկացման օր և վայր

Վայոց Ձորի մարզ – Հոկտեմբերի 9–ին, ժամը 10։30-17։30, մարզպետի աշխատակազմի նիստերի դահլիճ։ Հասցե՝ ք. Եղեգնաձոր, Շահումյան փող., 5 շենք։
Արարատի մարզ – Հոկտեմբերի 11–ին, ժամը 10։30-17։30,  Մշակույթի տան նիստերի դահլիճ։ Հասցե՝  ք. Արարատ, Շահումյան 36 շենք։
Արագածոտնի մարզ — Հոկտեմբերի 18–ին, ժամը 10։30-17։30, մարզպետի աշխատակազմի նիստերի դահլիճ։ Հասցե՝ ք. Աշտարակ Վարդգես Պետրոսյան փող., 4 շենք։

Հարցերի դեպքում աշխատանքային օրերին կարող եք գրել «Կայուն համայնքներ» ծրագրի ֆեյսբուքյան էջին։