Նախագծի նպատակն է աջակցել Հայաստանի գյուղական բնակավայրերում մեղվաբուծությամբ զբաղվող տնտեսություններին՝ զարգացնել կարողություններն ու բարելավել մեղվանոցային գույքը։
Ո՞վ կարող է դիմել ծրագրին
Ծրագրին կարող են դիմել 18-65 տարեկան, ՀՀ քաղաքացիություն ունեցող, Վայոց Ձորի մարզի Եղեգիս համայնքի բնակավայրերի բնակիչները, ինչպես նաև տեղահանված* և այժմ Եղեգիս համայնքում բնակվող անձիք։ Ծրագրին կարող է դիմել յուրաքանչյուր ընտանիքից միայն մեկ անձ։
Դասընթացում ներառված սահմանամերձ բնակավայրերի ցանկը հետևյալն է՝
- Քարագլուխ
- Եղեգիս
- Արտաբույնք
- Հերմոն
- Հորբատեղ
- Հորս
- Վարդահովիտ
- Սալլի
- Գողթանիկ
- Թառաթումբ
- Աղնջաձոր
- Շատին
* Լեռնային Ղարաբաղի փախստականները և 2020թ․ տեղահանված անձինք, ովքեր մշտական բնակություն են հաստատել Եղեգիս համայնքում։
Ինչպե՞ս է կատարվելու ընտրությունը
Հայտը լրացնելուց հետո ընտրության նախնական փուլն անցած դիմորդները կմասնակցեն երկօրյա դասընթացի։ Դասընթացը բարեհաջող ավարտած և համապատախան պայմաններ ունեցող մասնակիցները քննություն հանձնելուց հետո կստանան ППУ նյութից պատրաստված երկուական փեթակ։ Նախագծին չեն կարող դիմել նախորդ փուլով «Honey-Money» նախագծի մասնակիցները, որոնք հանդիսանում են Ծրագրի շահառու։
Ինչպե՞ս հայտ ուղարկել
Դիմելու համար անհրաժեշտ է տպել հայտը՝ https://bit.ly/honeymoney2024 ձեռագիր լրացնել, կցել փաստաթղերը և ամբողջական փաթեթը դասընթացի օրը հանձնել դասընթացավարին, եթե նախապես արդեն գրանցվել եք Համայնքապետարանում կամ բնակավայրերի վարչական նստավայրերում։
