ՄԱԶԾ «Կայուն համայնքներ» ծրագրի «HONEY-MONEY» ծրագիրը Սյունիքի մարզի Կապան համայնքի, Շիկահող, Սրաշեն և Ճակատեն բնակավայրերի բնակիչների համար, իրականացնում է «Մեղվաբույծների մասնագիտական զարգացում» վերապատրաստման երկօրյա դասընթաց։Դասընթացի ավարտից հետո բոլոր մասնակիցները ստանալու են հավաստագրեր և հանձնելու են քննություն, որի արդյունքների հիման վրա ՄԱԶԾ-ի կողմից տրամադրվելու են ППУ նյութից պատրաստված երկուական փեթակ։
Ծրագրին կարող են դիմել․
- 18-65 տարեկան այն անձինք որոնք մշտական բնակվում են Շիկահող, Սրաշեն և Ճակատեն բնակավայրերում,
- յուրաքանչյուր ընտանիքից միայն մեկ անձ,
- ունեն համապատախան տարածք՝ մեղվաբուծական տնտեսություն վարելու համար,
- պարտավորվում են փեթակների տրամադրման պահից պայմանագրով սահմանված ժամկետում տեղադրել մեղվաընտանիք՝ յուրաքանչյուր փեթակում 5 շրջանակ մեղվով պատված վիճակում,
- պատրաստակամ են իրականացնել ՄԱԶԾ կողմից ներկայացված պարտադիր պայմանները՝ մեղվանոցային տնտեսությունը վարելու և բարելավելու համար։
Ծրագրին չեն կարող դիմել այն անձինք որոնք․
- նախկինում մասնակցել են «Honey-Money» ծրագրին, ստացել են փեթակ, սակայն սահմանված կարգով չեն իրականացրել կամ մասամբ են իրականացրել Ծրագրի պահանջները։
Պարտադիր ներկայացվող փաստաթղթերի ցանկ
- Հայտ, որը կարող եք ներբեռնել առցանց հայտարարության ներքևում՝ սեղմելով՝ Ներբեռնել ֆայլը կոճակը։ Ինչպես նաև մոտենալ տեղի համայնքապետարան, վարչական ղեկավարի նստավայր և վերցնել տպագրված հայտը։
- Անձնագրի կամ նույնականացման քարտի անձնագրային և գրանցման տվյալների էջերի պատճեններ
- Բնակության վայրը և փախստականի կարգավիճակը հաստատող տեղեկանք
Տեղեկանքը կարող եք վերցնել Համայնքապետարանից կամ ձեր բնակության վարչական ղեկավարից։
Հայտը պետք է լրացնել ձեռագիր, կցելով՝ Ծրագրի կողմից պահանջվող փաստաթղթերը։ Ոչ լիարժեք հայտերը չեն դիտարկվելու:
Մասնակցության համար հարկավոր է մինչև ս․թ․ սեպտեմբերի 5-ը․
- Նախապես գրանցվելու համար հարկավոր է դիմել ձեր բնակության վարչական ղեկավարին։
- Ծրագրի կողմից պահանջվող փաստաթղթերի փաթեթը հարկավոր է դասընթացի առաջին օրը նախապես հանձնել դասընթացավարին։
ՈՒՇԱԴՐՈՒԹՅՈՒՆ։ Տեղեկացնենք նաև, որ այն անձինք, որոնք 2 օրվա դասընթացին լիարժեք չեն մասնակցի չեն դիտարկվի Ծրագրի կողմից։
Անցկացման վայր
Դասընթացն անցկացվելու է Շիկահող բնակավայրի Մշակույթի տան դահլիճում ս․թ․ սեպտեմբերի 9-ին և 10-ին, ժամը 10։30-ից մինչև 16։30։
Հարցերի դեպքում աշխատանքային օրերին կարող եք զանգահարել +374 96 439323 նշված հեռախոսահամարով, ժամը 10-ից մինչև ժամը 17։00-ն ընկած ժամանակահատվածում։
